Дэкада беларускай мовы і літаратуры, прысвечаная 75-годдзю вызвалення Беларусі ад нямецка-фашысцкіх захопнікаў.
Дэкада праводзіцца з 29 красавіка па 10 мая. На чацвёртым паверсе аформлены стэнд “Жыве ў сэрцах памяць пра вайну”, на якім вучні і настаўнікі могуць пазнаёміцца з планам мерапрыемстваў, з вершамі і кнігамі пра вайну, дакрануцца да тых жахлівых і гераічных падзей Вялікай Айчыннай вайны. На стэндзе аформлена фотавыстава “Жорсткая праўда вайны”, якую падрыхтавалі вучні 5-9-ых класаў.
Усіх апрашаем прыняць удзел у дэкадзе беларускай мовы і літаратуры.
Вельмі хутка ўся наша краіна будзе адзначаць Дзень Перамогі і 75-годдзе вызвалення Беларусі ад нямецка-фашысцкіх захопнікаў. Гэта вялікія,радасныяі гераічныясвяты. Дарагой цаной заплаціў наш народ за сваю свабоду. Беларусь не далічылася кожнага трэцяга жыхара. Памяць пра тых, хто аддаў сваё жыццё ў барацьбе з ворагам, вечна жыве ў сэрцах людзей. Не павінны забываць пра загінуўшых мы, дарослыя, і вы, юнакі і дзяўчаты ХХІ стагоддзя, якія не зведалі вайны. Толькі так мы зможам ушанаваць гераічны подзвіг народа. Але ёсць яшчэ адна магчымасць, каб выказаць героям сваё захапленне і ўдзячнасць, - гэта расказаць пра іх баявыя справы, пра падзеі тых далёкіх, страшных і гераічных дзён. Таму дэкаду беларускай мовы і літаратуры мы і вырашылі прысвяціць 75-годдзю вызвалення Беларусі ад нямецка-фашысцкіх захопнікаў.
Данешчык Т.В., кіраўнік МА настаўнікаў
беларускай мовы і літаратуры
 |
 |
