Дзень суседзяў. Інтэлектуальная гульня “Гавары са мной па-беларуску”
17 лістапада наша школа прымала вучняў з г.п.Рось. У інтэлектуальнай гульне “Гавары са мной па-беларуску” прынялі ўдзел тры каманды. Гульня праходзіла ў кабінеце беларускай мовы і літаратуры, што дапамагала вучням настроіцца на размову на роднай мове. Удзельнікі паказалі добрыя веды па мове, гісторыі, геаграфіі Беларусі, асаблівую цікавасць выклікалі пытанні пра песні і народныя святы. Усім прысутным Целеш Ангеліна, вучаніца беларускамоўнага класа, праспявала песню на беларускай мове, а Гурская Маргарыта прачытала на памяць верш П.Броўкі "Калі ласка". З нашага класа самымі актыўнымі ўдзелькамі былі Гурская Маргарыта, Васільчук Уладзіслаў, Навіцкая Карына, Тарыма Дзмітрый, Лешчык Аляксандра.
Сустрэча суседзяў прайшла ў атмасферы спагады і сяброўства.
