Вечар адпачынку. Гульня-падарожжа па Беларусі "Разам мы мацнейшыя"
Завяршыўся тыдзень беларускай мовы і літаратуры вечарам адпачынку, на якім удзельнікі падарожнічалі па Беларусі і адкрывалі для сябе непазнаныя таямніцы роднай мовы, літаратуры, культурнай спадчыны.
У пачатку вечара мы за дзве хвіліны, дзякуючы сучаснай тэхніцы, перанесліся ў самыя прыгожыя і знакамітыя куточкі Беларусі. Згадзіцеся: наша Радзіма – гэта прыгожая краіна з багатым мінулым, гасцінымі, працавітымі людзьмі, маляўнічай прыродай і вельмі мілагучнай мовай.
У падарожжы прынялі ўдзел тры каманды вучняў 8-9-х класаў.
Каманды па чарзе на гульнёвым полі выбіралі катэгорыю і кошт пытання.
Наступны тур падарожжа патрабаваў ад удзельнікаў ведання прадметаў побыту нашых продкаў. Камандам неабходна было адказаць на пытанні: «Што гэта за прадмет і для чаго ён патрэбны?».
Спаборнічалі каманды і ва ўменні выразна чытаць вершы на беларускай мове.
Усе каманды імнуліся паказаць свае веды, прадэманстраваць свае ўменні размаўляць па-беларуску. Не ўсё атрымлівалася, але галоўнае, што мы яшчэ раз дакрануліся да нашай мовы, да нашай спадчыны, пабывалі ў розных мясцінах Беларусі.
Пераможцам стала каманда “ВКЛ”. Віншуем хлопцаў і жадаем далейшых перамог.
Можна пражыць жыццё і «не знайсці сваёй Радзімы», не стаць яе патрыётам, які любіць сваю Айчыну не за тое, што яна дае яму нейкія даброты і прывілеі, а таму, што гэта яго Бацькаўшчына. Мы спадзяемся, што кожны з удзельнікаў знайшоў месца для сваёй малой радзімы і для нашай Беларусі, нашай Бацькаўшчыны.
