Літаратурна-музычная кампазіцыя “Беларусь, апаленая вайной”
У межах дэкады беларускай мовы і літаратурывучні адзінаццатага класа пад кіраўніцтвам Жамойцінай Валянціны Чаславаўны для шасцікласнікаў правялі літаратурна-музычную кампазіцыю “Беларусь, апаленая вайной”.
Вядучыя расказвалі пра тое, які цяжкі, нечалавечы і ў той жа час гераічны шлях прайшлі нашы воіны і наша краіна. У гады Вялікай Айчыннай вайны Беларусь страціла кожнага трэцяга жыхара, але нават залітая крывёй мільёнаў людзей, разрабаваная і напаўразбураная, краіна не здавалася. Праз многія дзесяцігоддзі памяць пра подзвіг народа, які ўнёс вялікіўклад у Перамогу над фашызмам – свяшчэнная.
Вучні расказвалі паведамленні, чыталі вершы, спявалі песні, глядзелі відэаролікі пра трагедыю ў Хатыні, пра аперацыю “Баграціён” і пра вызваленне Мінска 3 ліпеня 1944 года.
Хвілінай маўчання ўсе прысутныя выказалі сваю павагу і памяць тым, хто загінуў на вайне.
Данешчык Т.В., кіраўнік МА настаўнікаў
беларускай мовы і літаратуры
